Падот на имунитетот најчесто се случува во периодот на доцна есен па до рана пролет. Најизразен е во текот на зимата, кога нашето тело троши повеќе енергија за да се стопли со што станува помалку отпорен на инфекции.
Како да знаете дали ви е отпаднат имунитетот?
Честите настинки, вклучително и сериозните заболувања како воспаление на бели дробови и бронхитис, како и влошување на хроничните болести, укажуваат на нарушување во работата на одбраната на телото.
Херпесот е исто така показател на некој воспалителен процес во телото, дека организмот не функционира како што треба.
„Ако личноста, дури и во зима, ретко се разболува или кога ќе се разболи има добар апетит, тогаш може да се каже дека има силен имунитет“, објаснува главниот имунолог-алерголог Људмила Сизјакина од Ростовска област, Русија.
Освен овие, други показатели се и чувството на умор и исцрпеност, чести алергии, промени на кожата, јазикот и усната шуплина, отоци на лимфните јазли, варијации во телесната тежина, изостанок на температура и зголемена температура која долго време не се намалува, често чувство на студенило, бавно зараснување на рани, често чувство на надуеност.
Сизјакина истакнува дека во исхраната е многу важно внесувањето на протеини, хранливи материи од кои се синтетизираат имуноглобулини, односно заштитни антитела.
На имуниот систем многу влијае стресот, па неопходно е секојдневно да се „храните со позитивни емоции“, смета таа.
извор: кајгана
