Многумина го избегнуваат пешачењето, а движењето на отворено е ограничено поради пандемијата и се препорачува да поминувате повеќе време дома. Не мора да одите во теретана за да го подобрите вашето здравје или да изгубите тежина. Наместо тоа, можете едноставно да се движите низ домот.
Пешачењето е една од најдобрите (и бесплатни) физички активности, а медицинските експерти препорачуваат минимум половина час пешачење секој ден. Со оглед на тоа дека можете да ја постигнете потребната дневна километража во вашиот сопствен дом, нема оправдување за вашата неактивност.
Како да пешачите по 1,5 километри без да излезете од дома?
Време е да престанете да се лажете себеси и да издвоите најмалку 15 минути за себе секој ден. Ова е токму тоа што треба да го направите за прошетка долга 1,6 километри без да го напуштите вашиот стан или куќа, а за тоа ќе ви помогне популарното мотивациско видео на експертката за фитнес Лесли Сансон.
Не е важно дали живеете во мал или голем простор бидејќи обуката е дизајнирана така што може да се изведува на тесни места без никакви проблеми.
Ако не сакате да вежбате со мотивациски тренинг, а сепак сакате да се обидете да одите низ вашиот дом, овие неколку корисни совети ќе ви ја олеснат таа активност.
1. Искористете го максимално секој слободен агол од домот. Ако имате долг ходник, тоа е одлично место за ваков вид тренинг, но дури и ако сте ограничени со простор, ќе имате доволно простор каде што можете да направите три чекори напред, назад и во страна.
2. Слушајте побрза музика со нагласен ритам. Докажано е дека го подобрува расположението, ве мотивира и помага да ги совладате активностите што ви се тешки, како што е вежбањето.
3. Загрејте се. Застанете исправено и „марширајте“ во место со умерено темпо околу 30 секунди, кревајќи ги колената колку што можете повеќе. Потоа направете три чекори наназад, нанапред, налево и надесно и по секоја промена вратете се на почетната позиција.
4. Одредете ги чекорите и патеката за прошетка. Во зависност од тоа колку простор имате, изберете како ќе се движите и со која брзина.
5. Вклучете разни вежби во вашиот тренинг. Кога ќе бидете во форма, полека додавајте и други вежби по ваш избор. На пример, можете да направите таканаречени ѕидни склекови. Застанете пред ѕидот, на околу еден метар растојание. Раширете ги малку нозете и ставете ги дланките на ѕидот.
Туркајте се од ѕидот со рацете како што се туркате од подот кога правите стандардни склекови.
извор: кафепауза
