Есента ви носи можност да го носите вашето омилено парче облека на многу различни начини. Изберете здолниште што одговара на вашиот стил на облекување и што лесно можете да го комбинирате со остатокот од вашата гардероба.
Најпопуларни се здолништата со миди должина, а освен популарното плисирано здолниште, се носат и различни модели, бои и дезени, во зависност од стилот на облекување и од тоа што сакате да го постигнете со стајлингот.
Покрај црното миди здолниште, често ќе гледате раскроени здолништа во зелена и беж боја.
Во фокусот се и моделите со висок струк, а можете да ги комбинирате со сако, со тексасна јакна, како и со широки и тесни блузи или џемпери.
Оваа сезона не може да помине без цветниот принт, а кошулата фустан ќе ја замените со миди здолништа со закопчување по должината. Овој модел на здолниште најдобро се комбинира со класични блузи и ролки, како и со различни модели на блејзери, во зависност од пригодата.
извор: кафепауза
