Александра Пријовиќ денес гостуваше во утринската програма на ТВ „Прва“, каде зборуваше за новата песна, семејството и настапите за време на пандемијата на коронавирусот.
На самиот почеток на разговорот водителот Филип Чукановиќ се пошегува со пејачката.
„Слушнав дека не си ме сакала утрово“, рече тој, а Александра низ смеа одговори:
– Како можам да те сакам кога станав во пред осум поради емисијата? Но, мило ми е што ме покани и јас сум тука.
Пејачката изјави дека сè уште не успеала да се одмори од прославата за својот 25-ти роденден, што го организираше пред две вечери.
– Легнав во зори, а потоа вчера, за прв пат по десет години, доцнев да снимам емисија. Немав време да одам на шминка или фризура, носев шорцеви и маица, влечки, ставав очила и сјај за усни – изјави Александра, која потоа зборуваше за тоа како ги поминала последните месеци, кога не можела патува и настапува.
– Бев дома со мојот син и сопругот, доаѓаа и моите и неговите.
Водителот тогаш коментираше дека пред емисијата го поканил сопругот на Александра, Филип Живојиновиќ да се приклучи во живо, но дека Филип не се согласил на тоа, бидејќи е познато дека не сака да се експонира.
– Навикнав, скоро пет години сме заедно, тој никогаш не сакаше да дава интервјуа, тоа се случи еднаш или двапати, не можеше да го избегне – рече пејачката.
Потоа се осврна на прославата на нејзиниот 25-ти роденден, на која ги собра семејството и пријателите.
