Познатиот пејач кој изминатите 26 години ги полнеше салите, двораните, салите, одлучи да заплива и во други води.
Според сознанијата на „Српски телеграф“, популарниот пејач станува водител и тоа на авторска емисија која започнува со емитување на крајот на јули на телевезијата Toxic.
Лукас ја потврди оваа информација.
„Точно е. Емисијата ќе се вика „На гости кај Аца Лукас“ или „На гости кај Александар Вуксановиќ“, но можеби ќе се предомислиме и ќе смислиме друго име. Сериозно се потрудивме овој проект да постави телевизиски стандарди. Емисијата е замислена така што се’ се одвива спонтано, не постои сценарио. Во 10тата епизода подготвуваме изненадување за гостите, ќе видите за што станува збор“, вели Лукас.
Извор близок на пејачот откри некои детали.
„Аца снимаше три епизоди кои за две недели ќе започнат со емитување. Се снима во станот на Лукас, пентхаусот во елитната населба во Белград затоа што тој сакаше гостите да се чувствуваат како дома, но со текот на времето ќе оди во студио. Тој проект ќе биде нешто невидено на нашите простори“.
Соговорникот откри и колку ќе заработи Лукас.
„Од спонзорите кои го поддржаа неговиот проект ќе земе 35 000 евра за првата емисија. Има огромен интерес за соработка со него, а се предивдува неговиот проект да ги сруши сите рекорди“, вели изворот.
Се шпекулира дека првата гостинка на Аца Лукас ќе биде Ана Николиќ.
„Додека ги снимаа кадровите плачеа од смеа и во неговиот стан направија забава“, пренесува „Српски телеграф“.
