Позирањето е посебен предизвик, особено ако поминувате сè повеќе и повеќе време дома, а сакате да ја промените позадината и да направите колку што е можно поинтересни фотографии. Во продолжение погледнете како да позирате на фотографиите што ги објавувате на Инстаграм.
1. Фотографирајте се во движење
View this post on Instagram
Ова е верзија на познатата поза „follow me to“ (следи ме) која можете да ја приспособите на домашните услови.
Иако не сте на некоја егзотична дестинација, туку во сопствената трпезарија, секогаш размислете за можноста да не се потпирате на масата, туку да се фотографирате одназад што изгледа како да сте во движење.
2. Фотографирајте се одозгора
View this post on Instagram
Птичјата перспектива е нешто што можат да го изведат и аматерските фотографи. Креирајте контрастна позадина, како што е оваа бела кожена фотелја, додајте детаљ во светла боја и сцената е подготвена.
3. Фотографирајте се како модел
View this post on Instagram
Не двоумете се да пробате необични пози и агли. Огледалото во просторијата може да биде вашата модна писта.
Како моделите смислуваат пози? Пуштете музика, танцувајте пред огледалото и откријте во кое движење изгледате најдобро.
4. Нагласете ги вашите најсилни атрибути
View this post on Instagram
Елегантно стапало или нежна линија на вратот, витки прсти или долги трепки – сето тоа се детали што можат да бидат главната тема на добрата фотографија.
Добро е да имате некој што ќе ви помогне, но ваква фотографија со интересна позадина можете да направите и сами.
5. Бидете модна блогерка или експерт за ентериер
View this post on Instagram
Со помош на позата нагласете го она со коешто сакате да привлечете внимание на сликата. Ако станува збор за нови чевли, сликајте се како модна блогерка. Тогаш чевлите се во преден план, а вие сте на фотографијата како „помошен работник“.
Ако имате малку поинаква естетика за секоја слика, вашиот профил на Инстаграм ќе има сè повеќе следбеници.
извор: Кафепауза
