За ТВ водителката и пејачка Јилија Мациевска, широката насмевка, ведриот дух и позитивната енергија се нејзиниот заштитен знак.
Медиумите многупати знаат да ја пофалат за нејзинот изглед, а особено за тоа што во шестата деценија од животот, таа не ги пропушта тренинзите во теретана и го негува телото и младешкиот дух.
Јулија е активен корисник на социјалните мрежи и воопшто не е резервирана за откривање детали од приватноста. Овој пат, беше особено горда на својата внука од ќерка, убавата Стефанија која наполни 21 година, а баба мораше да се пофали со својата принцеза за која напиша:
-Пред 21 година, на 24 мај , на Св. Кирил и Методиј се роди нашето сонце, нашата принцеза Стефанија, која со своето доаѓање на свет ни го промени животот. Внесе светлина, радост, љубов, внесе живот во нашите животи. Внесе предизник на кој се радуваме, од кој учиме, се надеваме, веруваме. Понекогаш и по малку се караме, ха ха, но и тоа е за наше заедничко најголемо добро, зашто така растат децата и ние со нив, напиша Јулија инспирирана од љубовта кон внуката.
По објавата на баба, славеничката доби многу честитки, па се заблагодарија и објавија уште неколку заеднички фотографии.
