Македонскиот музичар, некогашниот гитарист и еден од основачите на групата „Нокаут“ – Владимир Крстевски- Франц, веќе со години е надвор од Македонија и сега живее со својата сопруга Ема во Лос Анџелес- САД.
Франц и Ема не се чести корисници на социјалните мрежи, но понекогаш знаат да изненадат со некоја објава, како овој пат.
Поводот беше роденденот на Франц, кој мораше да се пофали каков подарок добил од сопругата. А во време на коронавирус, откако го покажа подарокот, пријателите му порачаа дека тој е богат човек.
За подарокот во ова време невреме, особедно таму каде што се тие, треба да си храбар и упорен за да стигнеш, а Ема успеала и тоа со два комплета.
-Роденденски подарок од мојата сопруга, пишува Франц, на што коментарите се редеа во низа.
Инаку, музичарот стана татко, откако неговата сакана минатото лето на свет ја донесе ќеркичката, која доби мошне необично име, музичко име- Мелоди.
