Бугарската пејачка Андреа се обиде да го објасни своето во најмала рака чудно однесување при последниот настап во Пловдив со објава на Инстаграм.
Имено, пред неколку дена, русокосата убавица прво ги згрози, па ги испаничи присутните на забавата, секнејќи си го носот пред сите во салфетка, која претходно ја зеде од подот, а потоа повторно ја фрли на него и покрај барањата за високи хигиенски мерки во овие денови. Фановите веднаш помислија дека можеби пејачката е заболена со коронавирус, но Андреа имаше друго објаснување.
„Драги пријатели, сакам да се извинам за моето однесување на последното мое појавување на сцената! Уште од 10 години имам проблем со носните канали кои ми се блокирани и не можам убаво да дишам (синузитис)! Слична ситуација ми случувала и друг пат, но сега веднаш не сфатив дека можеби луѓето околу мене ќе се испаничат заради коронавирусот кој веќе е во Бугарија! Искрено се извинувам, не би сакал да дадам сличен пример другпат, како јавна личност! Не сум болна, за мене беше во тој момент најважно да можам да земам воздух за да го завршам мојот настап“- напишала Андреа.
Забавата во Пловдив брзо осамна на социјалните мрежи и потоа беше прикажана и на телевизија, по што беше насловена од публиката како: „Корона парти“. Испровоцира низа коментари, бидејќи некои нејзини најлојални обожаватели тврдеа дека пејачката нема потреба да се извинува зашто секој може да има проблеми со носот.
Останува прашањето зошто Андреа требала да барате решение во салфетката од подот и дали е толку тешко потоа, таа да се фрли во канта за отпадоци?
