Овој брз рецепт е идеален за домаќинки на кои им доаѓаат ненајавени гости.
Состојки:
- Околу 300-400гр пилешко бело месо
- 50гр стопен маргарин
- 5 лажици павлака
- 1 лажица презла
- 3 чешниња лук (може и повеќе доколку сакате)
- Варен компир (во зависност од големината на садот за печење)
- Вегета
- Сол
- Бибер (или некој зачин по желба)
Подготовка:
- Исечете го пилешкото бело месо на шницли.
- Зачинете со сол или вегета.
- Нанесете добро за убаво да апсорбира. По вкус, исто така, можете да додадете бибер за да добиете подобар вкус.
- Земете го садот за печење и на дното ставете го компирот што претходно сте го излупиле и исецкале.
- Потоа малку посолете или зачинете со вегета.
- Одозгора редете го белото месо што го натопивте во стопениот маргарин.
- Потоа ставете ја киселата павлака во сад и додадете презла, вегета, бибер и лук. Се ова убаво измешајте и ставете го врз пилешкото.
- Од кога ќе ја нанесете павлаката, размачкајте ја и подготвено е за печење
- На почетокот ставете фолија над садот за да не се запече веднаш.
- Се пече околу 30 минути.
- Пред крајот на процесот на печење, отстранете ја фолијата за да се потпече и добие убава боја.
извор:попара.мк
