Родендените, новогодишните празници, семејните прослави се едни од најубавите поводи за славење и кога се собира целото семејство кое воедно ни е најголема поддршка и во убавите и во тешките мигови.
Адријана Алачки ужива да го поминува времето со своите најмили, односно ќерката, внуката и синот. Така често знае на социјалните мрежи да објави некоја заедничка фотографија со која покажува како ужива.
Деновиве, Алачки го прослави роденденот на својот син Благоја, а по тој повод на социјалните мрежи му се обрати со емотивна порака истакнувајќи дека кога тој се родил му се исполнела најголемата желба во животот.
„Синко мој, токму на овој ден ми се исполни најголемата животна желба. Те донесов на овој свет…по многу искушенија…здрав и жив. Го слушнав твојот плач….како добредојде на овој свет. Ти го дадов името на твојот дедо Благоја кој неизмерно те сакаше, и таа желба ми се исполни….се радував на секоја твоја насмевка….од ден во ден како растеше…секој чекор ти го следев….секоја твоја промена…јас знаев и без да ми кажеш… те израснав во сокол….сега си вистински маж….сега си свој….сега се е смешно….гази го ти животот, а не тој тебе…почитувај ти твоите квалитети и корегирај ги маните…учи се на животот….затоа што ни најмалку синку мој не е едноставен….секој ден предизвици….секој ден е жив оган…ако не внимаваш…ќе изгориш…потсети се на што те учев со години…
Синко никогаш немој да го изгубиш во себе она што те краси, човечност и добра душа…имај секогаш почитување за секого…така и душата ќе ти биде мирна. Уживај во секој ден во животот, оти допрва ќе осетиш што е борба. Само храбрите победуваат. Оди само напред. Никогаш не се врти назад. Назад се животните лекиции кои само ти ги знаеш. Сега си во најубавото време…биди свој и горд на тоа што си…
А јас како мајка ќе се гордеам со сето она што ти ќе го создаваш и со што си. Биди и понатаму мојата радост. Моја љубов. И дозволи ми да стареам природно. Нека овој роденден ти донесе мигови на среќа и здравје“ напиша Алачки во описот на фотографиите.
Под фотографијата се нижеа искрени честитки за синот на Алачки.
