Една од „најмоќните“ двојки на светот вчера ја прослави својата петта годишнина од бракот.
Во прашање се адвоката Амал и актерот Џорџ Клуни, кои се синоним за хармоничен брак во Холивуд.
Папараците ги „фатија“ во Њујорк кога излегоа на вечера во еден популарен и луксузен ресторан.
И додека Амал беше облечена во кожни црни панталони и елегантен бел корсет, Џорџ беше облечен едноставно, односно во фармерки и црна кошула со кратки ракави, а со тој изглед воопшто не беше модно складен со сопругата како по обичај.
Двојката малку се насмевна на фоторепортерите, а потоа продолжија на пат да го прослават важниот датум за нив.
Фотографиите го обиколија светот за кусо време и скоро сите коментираат дека Амал изгледа подобро од кога било, оставајќи впечаток дека љбовта цвета меѓу нив.
Инаку, љубовната приказна помеѓу адвоката и актерот започна во 2013 година. Двојката се запознала во куќата на актерот на езерото Комо, Италија, благодарение на взаемниот пријател. Истата вечер, Амал се сретна и со родителите на нејзиниот иден сопруг. Забремени во 2016 година и ги донесе близнаците Ела и Александар на свет во 2017 година, иако актерот не планираше деца.
