До неодамна најлајкувана фотографија на „Инстаграм“ беше на фотографијата на Кајли Џенер на која ја држи ќерката за рака.
Неодамна на Инстаграм се појави профил наречен “world_record_egg” кој многу брзо и јасно даде до знаење што сака да постигне. На целиот профил се наоѓа само една објава – фотографија од јајце, а целта била да го сруши рекордот на најлајкуваната објава на Инстаграм, односно фотографијата на старлетата Кајли Џенер со 18 милиони лајкови.
„Ајде заедно да поставиме рекорд и да добиеме најлајкувана фотографија на „Инстаграм“. Да го срушиме моменталниот рекорд кој го држи Кејли Џенер со 18 милиони лајкови“.
За само неколку дена, оваа фотографија собрала неверојатни 23 милиони лајкови, а интересно е тоа што вчера, за само три часа, лајковите на објавата “скокнале” од 14 до 18 милиони.
На оваа објава реагирала и самата Кејли која објави видео со опис: Кога Кејли ќе го види профилот на “world record egg“.