Знае да ужива за сите пари: Погледнете како Инди Арадиновиќ ги смирува нервите (фото)

Индира Арадиновиќ Инди живее во луксузно опремен стан, а на својот Инстаграм профил го покажа нејзиниот дом каде ужива и го поминува слободното време кога не настапува.

Популарната пејачка има стил и вкус, кои досега можевме да ги видиме бидејќи секоја нејзина комбинација на облека е стилска и предизвикува лавина позитивни коментари кај нејзините обожаватели кои внимателно ја следат на секој нејзин чекор.

Индира Арадиновиќ ја покажа својата оаза на мирот уредена, организирана и чиста, а како што самата истакна во описот на фотографиите и видеата кои ги сподели на социјалната мрежа Инстаграм, многу е важно се да е на свое место, бидејќи тешко се снаоѓа во  хаос.

– Хигиената е половина од здравјето – напиша популарната пејачка која покажа како го чисти својот стан со правосмукалка, кој блесна откако го среди.

Инди е позната како некој што е оптоварен со чистење, а секој слободен момент го користи да си го уреди домот. Во станот на пејачката преовладува белата, но и нијанси на пастелни бои како зелена и жолта, многу природни цвеќиња, а омиленото растение и е „дрвото на животот“ кое и го облагородува просторот. На ѕидот има уметнички слики со коњи, бидејќи симболизираат сила и моќ, па затоа се одлучила за вакво уметничко дело, бидејќи и самата во неколку наврати истакнала дека е голем борец.

Да потсетиме, Индира во последно време многу често е во медиумите, по тепачката со нејзината сестра во видео кое ја разбранува јавноста.

По скандалот со помалата сестра, Инди се разведе од сопругот со кој беше во брак 3 месеци, а потоа пак итно мораше да се оперира каде ги смени силиконските импланти.

Фото: Принтскрин/Инстаграм/ Инди Арадиновиќ