По погребот на Предраг Живковиќ Тозовац, ќе започне борбата за неговото наследство.
Пријатели на легендарниот пејач велат дека очекуваат да се појават неговите деца, кои живеат во странство, за да си го побараат својот дел од наследството, на кое имаат право затоа што тој ги признал. Имотот што музичарот го стекнал за време на неговиот живот судски може да се подели меѓу неговите вонбрачни деца и неговата неодамна венчана сопруга Мима.
https://arhiva.vistina.com.mk/radio-mileva/tochno-za-nova-godina-legendarniot-srpski-pejach-tozovac-se-ozeni-na-84-godini/
Според неговите пријатели, тој заработил многу, затоа што бил еден од најдобрите и најуспешните пејачи со децении, а имал и два стана и куќа. Патем, како што еднаш рече самиот Тозовац, неговите вонбрачни деца живеат во странство и оддамна не дошле во Србија. Избегнуваше да зборува за нив, не само во јавноста, туку и со пријателите, кои знаат само дека постојат, но ништо повеќе од тоа. Само неговата сопруга ги знаела сите детали од таа врска.
„Имам два вонбрачни сина, но тоа е моја приватна работа. Нека бидат живи и здрави, но моите синови се создадени случајно. Еден живее во Америка и тој веќе го има синот Марко – изјавил пејачот пред девет години. Тозовац не бил во контакт со своите синови долго време, а еден од нив, како што се зборуваше на естрадата, го добил со многу убава пејачка, на која сите и се додворувале, но која не била многу позната.
Кумот на покојниот Предраг Живковиќ Тозовац, Рале Раѓеновиќ, вели дека и тој немал контакт со вонбрачните деца на пејачот.
„Не знам дали неговите синови и внукот ќе дојдат на погребот, немам контакт со нив. Не знам ништо. Знам дека ги призна децата, но слабо комуницираше со нив“ – вели Раѓеновиќ и додава дека, колку што знае, Тозовац не оставил никаков тестамент.
„Приказната за тестаментот која осамна во јавноста е глупост. Каков тестамент? Тоза не напиша тестамент, ниту зборуваше за тоа. Само Мима може да даде изјава на оваа тема. Јас не дадов изјави ниту од што почина, па не сум лекар“ – рекол кумот на Тозовац.
Фото: Ана Паунковиќ/Зоран Јевтиќ/ Инстаграм принтскрин
