Од Новата 2020 година не делат уште само неколку дена, а некои од нас веќе почнаа да ги сублимираат впечатоците од сè она што го проживеавме изминатите месеци.
ТВ водителката на утринската емисија на телевизија Сител, Елена Стојановска, на својот Инстаграм профил направи галерија од фотографии со најдрагите личности и моменти кои и се случија во 2019 година, но описот за истите беше оној што го заокружи нејзиниот генерален впечаток за искуствата, поуките и чувствата од тековната која изминува, и вербата, љубовта и надежта кои ги очекува во Новата Година.
„2019 е година во која ми се случи љубов. Но, најубавите моменти не ги фотографиравме, не сме нашминкани или воопшто не милиме на селфи! Фотографииве се од деновите во кои бев најсреќна, без или со личностите кои ми носеа радост. 2020 биди уште подобра или барем иста!“ – пишува Елена.
Ќерката, сопругот,сестра си, пријателите… беа сите оние кои за Елена направија драги спомени кои ќе останат „спакувани“ во меморијата да потсетат зошто животот е убав!
