Естрадниот забавен ТВ магазин „Бекстејџ“ поради состојбата со коронавирусот ја започна кампањата #Бекстејџседидома, со кои ја прилагодија и адаптираа својата програма и содржини во новосоздадените услови на карантин и домашна изолација!
Тие се вклучуваат во живо на „Инстаграм“ од своите домови и разговараат со нашите познати ѕвезди.
Вчерашен гостин во лајв беше Влатко Лозаноски. Сите негови фанови можеа да се приклучат во живо и да го прашат пејачот што сакаат.
Македонскиот пејач освен што одговараше на разни прашања, тој ги пееше и своите големи хитови.
Влатче откри дека овие денови на самоизлација ги поминува во својот дом во Кичево заедно со неговото семејство.
„Пред да почне полицискиот час, градскиот стадион во Кичево буквално ми е двор, па секој ден трчав таму, но сега седам и аплелирам до сите да останат дома“ вели Лозано и додава дека деновите ги поминува со музика, со гледање на серии, играње на игри…
Тој откри дека има пријателство на естрадата и дека меѓусебно се поддржуваат.
Меѓутоа, некој од фанови го праша Влатко дали е заљубен, а неговиот одговор беше:
„Да, заљубен сум, но јас би останал само на тоа“ изјави пејачот и не сакаше да открива повеќе детали која е девојката која му го освоила срцето.
За потсетување, Лозано поради пандемијата со коронавирусот мораше да ја откаже својата турнеја во САД и Канада.
