Фолкерката Татјана Лазаравеска заедно со сопругот Новица и синовите веќе шест години живее во Австралија.
Естрадниот пар таму неодамна си купи сопствена куќа и уживаат во сопствениот дом.
Татјана секогаш кога има некој повод за славење, без разлика дали е годишнина, роденден, именден….со своите пријатели на „Фејсбук“ споделува како изгледа прославата.
На 14 февруари некои го славеа СВ. Трифун, а некои на „Денот на вљубените“.
По тој повод, Лазаревска и нејзиниот сопруг позираа еден до друг прегрнати и насмеани, а на објавите изгледаат како заљубени тинејџери.
Под објавата се нижеа позитивни коментари, а најчесто беа оние дека се преубав пар.
Инаку, Татјана и Новица не ја слават љубовта само на „Денот на вљубените“, туку го користат секој миг да бидат заедно и да уживаат во заедничките мигови.
