Пејачката Тања Савиќ веќе извесно време е во врска со 11 години помладиот Мухамед Муки Бешиќ.
Како што изјави за „Курир.рс“ извор близок до парот, тие планираат да се венчаат веднаш штом пејачката и официјално се разведе од Душан Јованчевиќ со кој има синови. Според понатамошните извештаи, Тања и Муки планираат да се венчаат во Лас Вегас, а на церемонијата ќе присуствуваат само кумовите.
Дури по венчавката, наводно, планираат да ги известат своите семејства за чинот.
По венчавката планираат да останат во Америка, но Тања сѐ уште не е сигурна дали трајно ќе се преселат таму или тоа ќе биде само неколку месеци.
Според изворите на споменатиот медиум, Мухамед со години живее и работи во Америка, а Савиќ ја убедувал дека таму би им било поубаво, и би можеле да се школуваат и нејзините деца.
Но, свесна е дека ова ќе и биде крај на кариерата, а веќе еднаш помина низ слична ситуација кога со Душан се пресели во Австралија.
Пејачката последниве години се врати на сцената и не и е лесно повторно да остави се, изјави изворот.
Тие наводно планираат венчавка во Србија следната година, а се надеваат дека дотогаш целата ситуација околу нивната врска ќе се смири, со оглед на тоа што родителите на пејачката не ја поддржуваат оваа врска, наводно поради разликата во годините и различните вери.
Мајката на Тања неодамна проговори за медиумите и изјави дека не би сакала нејзината ќерка повторно да се омажи, што наводно многу ја погодило Тања. Пејачката засега не објави ништо за овие наводи.
Фото: Принтскрин/Ата Имаџес
