Таа важи за една од најубави и најзгодни македонски ТВ водителки. До скоро презентер на вестите на Канал 5, чиј рејтинг велат, падна откако таа повеќе не е таму, но затоа драстично се покачи рејтингот на нивната Утринска програма, откако Љубица Бубе Јаневска стана дел од екипата!
Како што се наближуваат новогодишните празници сите се фалат со своите накитени новогодишни елки, па така и Бубе се пофали со својата. Добро, не е баш нејзина, туку во прашање е нивната, елката на утринската на Канал 5, ама затоа убавината и сексапилот на згодната водителка се секако нејзини! Облечена во сива туника, црни тенки хеланки и црни антилоп чевли со високи потпетици, таа блеска повеќе од било кој лампион! Сексапилна и маркантна покрај елката, убавата презентерка откри уште нешто што го криеше во себе.
Имено, малкумина до сега знаеа дека Љубица Јаневска е „изгорена“ навивачка на кошаркарскиот клуб Работнички. Токму во деновите кога нивната навивачка група „City Park Boys“ слави јубилеј – 20 години од нивното постоење, Бубе реши јавно да обзнани дека таа е нивната „најжешка“ навивачка.
Облечена во маичка со клубските бои и слоганот на навивачката група, во тесни, црни хеланки од гумиран латекс и црни чизми, со навивачко шалче во рацете, згодната водителка се претстави и како најсекси навивачка на својот омилен клуб. Ги разгоре страстите, ги разбуди мечтите и ги поттикна желбите… не само на нивните навивачи, туку и на оние, неутралните… за нејзиниот омилен клуб да ниже само успеси!
Останува да ја видиме реакцијата кога „жешката водителка“ вака облечена како „секси навивачка“ ќе се појави во салата во Градскиот парк! Белким, нема да ги урне трибините?!
