Обожавателите на Адел сè уште се обидуваат да сфатат како успеа да ја изведе неверојатната „точка на исчезнување“ на крајот на своето шоу во Лас Вегас.
За потсетување, британската пејачка на крајот од концертот во „Caesars Palace“ во Лас Вегас исчезна од сцената откако на неа почнаа да паѓаат розови конфети.
where tf did she go 😭 #WeekendsWithAdele pic.twitter.com/Mj0vYwAAGx
— Fred 🍷 (@FredAdkins_) November 19, 2022
Некои се сомневаат дека излегла низ скриена врата на подот на сцената, но на луѓето сè уште не им е јасно како го извела тоа, а сега се појави и забавена снимка од целата ситуација.
„Да, забавеното видео не помогна“, се пожалил еден обожавател откако ја видел снимката, додека друг напишал на Твитер: „Сè уште не можам да сфатам како“.
That slow motion of @Adele magically disappearing at the end of her show though…🤯 pic.twitter.com/KZ0sH1KEP3
— Adele Now (@AdeleNowuk) November 21, 2022
„Искрено, ме излудува тоа што го гледав видеото толку пати и не можам да видам ништо. Каде исчезна?!“, напишал трет, додека еден обожавател е уверен дека станува збор за холограм.
Спектакуларното шоу на Адел ќе се одржува во наредните 5 месеци во „Caesars Palace“, од 18-ти ноември до 25-ти март 2023 година, така што фановите имаат уште многу време да одгатнат како го изведува овој трик.
