Како што пишува српскиот таблоиден магазин „Скандал“, Саша Ковачевиќ многу страда поради разводот на неговите родители! Инаку, Сале никогаш не зборува за приватен живот и се обидува да ја држи својата интима што подалеку од медиумите, но минатата недела како бомба одекна веста дека неговите родители се развеле за што раскажуваше и ја потврди информацијата и неговиот пријател Павле Јовановиќ во реалното шоу „Задруга 2“!
Инаку бракот на неговите родители уште пред неколку години беше на „стаклени нозе“, особено откако неговиот татко Драган кој е и негов менаџер, заради честите настапи и патувања на пејачот, постојано е отсатен од дома.
Упатените тврдат дека парите и славата на неговиот син ја поистоветил со себе, па таа толку му удрила в глава, што не ретко се однесува како поголема ѕвезда од ѕвездата која ја менаџира.
Флертувањето и нафрлувањето на помлади девојки односно полупознати – полуанонимни пејачки ветувајќи им кариера го чинеше скандал во медиумите, за кој некои од нив и го обвинија дека се обидел на сила да ги легне или им понудил непристоен предлог. Секс во замена за слава и успех на естрадата?!
Тогаш бурата околу наводниот скандал се стиша, иако поедници „оф д’рекорд“ тврдеа дека сопругата го исфрлила од дома, па несреќниот „швалер“ и менаџер, морал да преспие во својот автомобил!
Како и да е, едно е сигурно дека на младата поп ѕвезда тешко и паѓа што неговите родители се разведуваат, зашто како што е познато Саша е многу поврзан со неговата мајка Милена, за која во една своја објава на Инстаграм напишал: „Мојата убавица“… И не бил далеку од вистината, зашто и покрај возраста жената изгледа божествено, што потврдува не само фотографијата туку и дузината комплименти на нејзина сметка во коментарите!
Фото: Инстаграм принтскрин/ Пресс принтскрин
