Српската претставничка Невена Божовиќ, синоќа ја израдува Србија со тоа што обезбеди пласман во финалето на „Евровизија“ со одличниот настап за песната „Круна“.
Невена се најде меѓу 10-те најдобри песни, кои од првото полуфинале преминаа во завршницата на големиот европски музички натпревар кој е закажан за сабота.
Она што е интересно дека дека нашите северни соседи си обезбедија карта за во финале со помош на Македонија, односно со тоа што нашиот композитор Дарко Димитров замеша прсти и го направи аранжманот на песната „Круна“.
Дарко работеше заедно со пејачката Невена која самата ги напишала музиката и текстот. Но со здружени сили, успеаја да се пласираат меѓу најдобрите.
Откако беше прогласено дека Србија влегува во финеле, Димитров се радуваше во српскиот тим.
Но, бидејќи тој во Тел Авиви е заедно и со македонскиот тим, односно е еден од авторите на „Proud“, веруваме дека ќе ни се посреќи како и на Невена, па ќе го гледаме повторно како се радува, но овојпат заедно со Тамара Тодевска во четврток, па и на финалето во сабота.
