Најдобриот светски тенисер Новак Ѓоковиќ освен скапи недвижнини во различни делови на светот поседува и авион, а неодамна на социјалните мрежи се појавија фотографии на кои можевме да видиме со каков авион патува Ноле.
Тенисерот беше во друштво на својот брат Ѓорѓе Ѓоковиќ, снаата Сашка Веселинов, а им се придружија и фудбалерот Михаило Милутиновиќ и неговата сопруга Тијана.
На фотографијата ги гледаме Ѓорѓе и Тијана, додека Сашка и фудбалерот ги држат децата во раце, а не се знае каде отишле.
Големи и удобни кожни седишта, удобен двосед, маси за ручек и сето тоа во смирувачка беж боја, простор во кој би сакале да живеете, а не само да патувате. И додека уживаме да го гледаме чистиот луксуз на небото, да се потсетиме каков недвижен имот поседува Ноле.
Марбела – Во 2020 година, тенисерот купи луксузна вила во Марбела, откако ја изнајми за време на пандемијата. Тамошните медиуми објавија дека тенисерот одвоил 10 милиони евра за оваа величествена зграда. Има богати содржини како тениско игралиште, базен, голема градина, простор за скара, сауна, спа центар, игралиште за деца, како и огромна гаража.
Монте Карло – Ноле купи имот и во Монако, модерна дестинација за неколкумина избрани. Не е познато колку пари тенисерот потрошил на овој имот.
Белград – Ѓоковиќ купиле стан и во Белград, во една од најелитните населби Вест 65. Станува збор за пентхаус од 250 метри квадратни, за кој се издвоени околу 545.000 евра.
Тиват – Новак поседува стан во Тиват вреден околу 2,2 милиони евра. Имотот се наоѓа во комплексот Порто Монтенегро, кој содржи терени за тенис, фудбал, поло, базени, ресторани и многу други атракции. Комплексот има и марина, што е многу погодно за Новак поради јахтата што ја има.
Космај – По пандемијата се прошири веста дека Новак купува и уредува имот на Космај. Станува збор за имот од неколку хектари, а претходно таму живееле Елена и Југослав Кариќ. По разводот двајцата ја продале куќата за 2,9 милиони евра.
Мајами – Ѓоковиќ поседува и недвижен имот во Флорида. Имено, Новак и Јелена пред неколку години купиле стан во Мајами Бич, во центарот на парк од 35 хектари.
Овој имот има панорамски балкон со поглед на Атлантскиот Океан, заливот, паркот и градот. Објектот има многу богата содржина. Станот е платен повеќе од 5 милиони долари, а бидејќи тенисерот никогаш не живеел во него, го продал за дури 7,15 милиони долари.
Њујорк – Тенисерот поседува и два пентхауса во Њујорк, за кои издвоил 10 милиони евра. Тие се дизајнирани од познатиот архитект Ренцо Пијано, а се наоѓаат во најелитниот дел на градот.
фото:Инстаграм принтскрин
