Принцот Хари и Меган Маркл потресени: Избил пожар во собата на синчето Арчи

Меган Маркл го сними својот прв подкаст „Archetypes“, во соработка со платформата „Spotify“, а нејзин прв соговорник беше нејзината блиска пријателка Серена Вилијамс. Во оваа прилика, Меган зборуваше за застрашувачкиот момент кога избувна пожар во собата на Арчи за време на нејзината посета на Африка во 2019 година, само неколку месеци по неговото раѓање.

– Кога отидовме на турнеја во Јужна Африка, слетавме со Арчи. Имаше околу четири и пол месеци. Штом слетавме, моравме да го оставиме во станбената единица каде не сместија – рекла Меган.

– Имавме намера да го подготвиме за кревет, но веднаш заминавме на официјална средба во градот Нианг, каде одржав говор пред жени и девојки. Заврши и влеговме во автомобилот кога ни рекоа: ‘Имаше пожар во резиденцијата’, ги прашав што е и тие ми одговорија дека пожарот е во собата на бебето – рекла Меган.

Кога стигнале во сместувањето, нивната дадилка Лорен била во солзи. Го оставила Арчи само кратко додека одела да земе нешто да јаде, а во меѓувреме греалката во собата се запалила. Некој почувствувал мирис на чад во ходникот и влегол внатре, а пожарот брзо бил изгаснат.

По пожарот тие биле преместени во друга резиденција, но иако таа и принцот Хари биле многу потресени од настанот, тие морале да продолжат со своите кралски должности.

– Реков: „Ова нема смисла. Можеш ли да им кажеш на луѓето што се случи?“ Фокусот на крајот беше на тоа како изгледа сè, а не како се чувствуваме после сè. Дел од хуманизирањето и пробивањето на сите етикети, архетипови и кутии во кои сме ставени е да имаме одредено разбирање за моментите од зад сцената за кои луѓето можеби не се свесни, а ние мораме да си дадеме отвори. Бидејќи сме тоа што сме, моравме да го оставиме нашето дете – изјавила Меган.

фото:Profimedia,Guliver/Getty Images