Познатата турска актерксо-брачна двојка Халит Ергенч и Бергјузар Корел се во центарот на вниманието на јавноста веќе некое време, откако се појавија информации дека се разведуваат.
Имено, се шпекулираше дека нивниот брак бил во криза затоа што наводно Халит ја изневерувал познатата Шехерезад. Славната двојка им пркосеше на гласините објавувајќи фотографии на социјалните мрежи кои претставуваа вистинска семејна идила.
Таа сега ги воодушеви сите со нова објава на Инстаграм, во која објави дека е подготвена за промени во нејзиниот живот. Како што обзнани, Корел држи диета, и започнала да тренира.
„Сега сум подготвена за вакво нешто. Влегов во процес на слабеење. Моето тело ќе изгледа како што сакам. Дури тогаш ќе бидам целосно среќна“ – напиша Бергјузар покрај фотографијата на која е сликана во спортското издание.
Инаку, таа неодамна беше мета на критики и осуди заради вишокот килограми што и останаа по породувањето, како и заради целулитот што со гордост го покажа.
