На македонската ТВ водителка и фитнес инструкторка Снеже Велков „и тргна“ годината. Најпрвин самата се пожали на социјалните мрежи дека празниците „ја уништија“. Како да ослабеш, кога постојано се соочуваш со денови за одмор и полна трпеза. Или што би рекле: „Лежи – јади“! А на сето тоа се надоврза и ракометот па…
![](https://arhiva.vistina.mk/wp-content/uploads/2018/01/Screenshot_16-3.png)
„Е ај ослаби да те видам, де? Јади за Нова Година, јади за Божиќ, јади за Стара Нова, јади од нервоза, јади за победа… Напред Македонија“ – напиша синооката убавица во постот на својот Инстаграм профил.
![](https://arhiva.vistina.mk/wp-content/uploads/2018/01/Screenshot_14-3.png)
Арно, ама тука маките на згодната инструкторка не завршија… Од многу јадење се добиваат вишок килограми, сеедно дали јадеш македонски производи или нечии туѓи увезени.
![](https://arhiva.vistina.mk/wp-content/uploads/2018/01/Screenshot_13-3.png)
Освен што од „македонските производи“ може и да те „боли глава“…. и не само глава! Како што и се случи на убавата Снеже, да настрада токму од „македонски производ“ – пајак!
Нееее… да не сфати некој погрешно, фитнес инструкторката не ја касна пајак среде зима. Никакко! Овој и се „пикна во џебот“!
![](https://arhiva.vistina.mk/wp-content/uploads/2018/01/Screenshot_12-3.png)
И тоа оној централниот – пајакот на Општина Центар, кој понеделнички и го собра автомобилот за непрописно паркирање на недозволено место. За возврат и испорачаа сметка од 1.500 денари. А на неа образложение дека е направен промет од… „македонски производи“! Колку да и е полесно… Ако е казна, нека е патриотска!
![](https://arhiva.vistina.mk/wp-content/uploads/2018/01/Screenshot_1-5.png)