Нејзиниот пат кон славата и популарноста веројатно и бил предодреден и трасиран уште пред да се роди, зашто во почетокот и средината на 90-ите нејзините родители беа многу познато поп-денс дуо во Србија, а потоа и во регионот. Нивните хитови тогаш, а и денес се пејат, а кога им се роди ова слатко бебенце, како да беше јасно дека и тоа еден ден ќе заврши на естрадата.
Години подоцна, дуото оддамна не постои, родителите веќе не се заедно, а нејзината мајка и понатаму е позната пејачка. Таа пак израсна во вистинска убавица, која стана позната не само породителите и славното презиме што го носи, туку и посвоите учества, скандали, љубовни афери, вљубувања и трауматични раскинувања, секс пред камери, но и победи во реалните шоуа.
Однеодамна реши да сврти нова страница во својот живот, започна музичка кариера, сними песна, стави силикони во градите и тргна да ја освојува естрадната сцена…
Веројатно веќе погодивте, дека на фотографијата од насловната страница на некогашнаото многу популарно неделно списание ТВ Ревија од далечната 1996 година, слаткото бебенце во прегратките на своите родители Анабела и Гаги од дуото „Фанки Џи“ е токму таа – нивната ќерка Луна Ѓогани!
