Позната е љубовта на пејачката Светлана Цеца Ражнатовиќ и нејзиниот покоен сопруг Жељко Ражнатовиќ Аркан. Сепак, малкумина знаат дека Цеца имала голема љубов и пред да ја започне врската со Жељко и да се омажи за него.
Тоа е поранешниот фудбалер Владан Лукиќ. Љубовта меѓу популарниот фудбалер и пејачката започна во 1989 година, кога Светлана, тогаш Величковиќ, почна да го трасира патот до ѕвездите.
Лукиќ тогаш важеше за голем заводник, па приказната за нивната љубов ги наполни страниците на весниците, дури се зборуваше дека се вериле и дека ќе се венчаат. Владан беше првиот познат дечко на Цеца. Љубовта сепак згасна следната година, кога тој отиде во војска и раскинаа. Како што се шпекулираше, Цеца на Владан му ја посвети песната „Да го видам“.
Се зборуваше дека парот дури и се свршил и се очекувала венчавка, но судбината подоцна ги разделила.
– Тоа беше љубов од тинејџерските денови. Бевме млади и навистина добро се согласувавме. Развивме пријателство кое траеше две-три години. Навистина не се сеќавам како заврши и кој кого остави, мислам дека не е важно. Нашите патишта се разделија и секој тргна по својот пат. Мислам дека беше нормално затоа што немавме ништо заедничко во животот – изјави Владан Лукиќ во 2009 година.
Фото:Принтскрин/Старсспорт/Инстаграм/cecaraznatovic
