Вчеравечер, 5 октомври 2017 година, верните обожаватели на Тоше Проески како и секоја година и овој пат се собраа на плоштадот „Македонија“ во Скопје, каде што го поздравија својот идол со уште едно ѕвездено небо.
Во рамките на јубилејното 10. ѕвездено небо за Тоше, клубот на обожаватели ја имаше честа да објави уште една од досега необјавените песни од популарниот пејач, кои ќе бидат сместени на новиот албум што би требало да се појави до крајот на годинава. Станува збор за позитивната и оптимистична тема од работилницата на неговиот композитор и продуцент Енди Рајт насловена „Light The Flame“ (Запали го пламенот), која беше промовирана заедно со симпатичното видео.
За десетина дена, на 16 октомври ќе биде одбележана и 10-годишнината од смртта на Проески. По тој повод ќе биде промовирана уште една песна од претстојниот албум, која го носи насловот „Secret Place“ ( Скришно место).
Во меѓувреме, погледнето го видеото и слушнете како звучи „Light The Flame“, новата песна на нашиот музички ангел Тоше.
