Македонската пејачка и учесничка во регионалното музичко шоу „Ѕвездите на Гранд“, Елена Миленковска се породи и за првпат се реализираше во улогата на мајка.
Елена и нејзиниот сопруг Гуте Маринковиќ станаа родители на син за кој го одбраа името Максим.
Радосните вести ги сподели Гуте на социјалните мрежи кои не криеше колку е среќен поради новиот член на семејството.
„Ти благодарам храбро мое. Ти благодарам што ми подари љубов, што ми подари среќа и што ми подари син. Добре дојде Максим“ напиша тој во заедничка фотографија со Елена, а под објавата се нижеа честитки.
Гордиот и среќен татко веднаш започна со прослава, а неговите пријатели и колеги се појавија во неговиот стан пеејќи ја песната „Родио си син мали господин“.
Забавата продолжи во домот на Гуте и Елена, а гостите му ја искинаа маицата на тазе печениот татко.
Инаку, во текот на вчерашниот ден се породи и снаата на Цеца, Богдана Ражнатовиќ која на свет исто така донесе син за кој го одбраа името Жељко.
За потсетување, Елена и Гуте се запознаа во регионалното музичко шоу „Ѕвездите на Гранд“ кога и двајцата беа под менторство на Ана Бекута.
По неколкумесечна врска тие направија веридба, а на почетокот на годината склопија брак во Србија, а во февруари направија и свадба во Скопје.
https://arhiva.vistina.com.mk/radio-mileva/dzvezdite-na-grand-pravea-svadba-vo-skopje-elena-milenkovska-i-gute-marinkovikj-namesto-so-prv-svadben-tanc-ja-otvorija-veselbata-so-ljuboven-svadben-duet-foto/
