Македонската учесничка во „Задруга“ српските медиуми ја нарекоа „евтина копија“ на српската старлета: Елеонора Миљковиќ е „copy-paste“ на Ана Кораќ? (ФОТО)

Скопјанката Елеонора Миљковиќ или само Нора, засега единствената македонска преставничка во најгледаното реалното шоу  во регионот „Задруга 2“ уште додека беше дел од споменатото ријалити ги освои симпатиите и на останатите учесници и на публиката, особено онаа од посилниот пол.

Уште тогаш Нора беше решена дека може и мора да остане забележана, па ги покажа сите свои природни убавини онака како што природата ја надарила од глава до петици , од под пазуви до глуждови… Најмногу, додека „пиштол гола“ се тушираше пред камери иако и покрај тоа, ниту еден натпреварувач не го освои нејзиното срце, а таа не освои награда, иако по исфрлањето ја спојуваа со Менсур Ајдарпашиќ.

Оттогаш до сега, Нора полека малку по малку „работеше“ на себе и својот изглед, па неодамна се обиде да ја „продаде“ не само етстски коригираната убавина туку и умот, станувајќи една од водителките или поточно презентерките на временска прогноза на новоотворената „откачена телевизија“, ТВ Ред во Белград, во која вештината на говорот, особено кога се падежите во српскиот јазик во прашање, не се покажа како нејзина „посилна страна“.

Српските медиуми сепак одново ја забележаа, арно ама… по се изгледа дека Нора не помина баш славно. Имено по бројните естетски интервенции следбениците на Инстаграм ја прозваа дека се’ повеќе личи на уште една ријалити ѕвезда која постигна поголема слава од неа, старлетата Ана Кораќ!

Ваквата „случајна сличност“ не остана незабележана и во српските медиуми, кои веднаш објавија дека Маја Маринковиќ може слободно да се пензионира, барем кога станува збор за копирање на Ана Кораќ, која очигледно е нејзини идол, бидејќи сега на сцена стапува Елеонора Миљковиќ!

Вакават теза ја поткрепија со некои од последните фотографии на Нора во бикини на Инстаграм, за кои српскиите медиуми тврдат дека само ја „потврдуваат споредбата“ со некои од кометарите на нејзините следбеници од типот:

„Таа дури и стои како неа“!

Некои од српските портали дури и направија и објавија анкета во која ги прашуваат читателите дали сметааат дека Елеонора е копија на Ана? Резултатот засега е многу тесен, иако оди во полза на нашата ријалити учесничка и ТВ водителка.

Еве ги и двете последни фотографии на двете силиконски убавици. Обрнете внимание на ликот, носот, усните, фризурата, па дури и долната облека… Слични, а сепак различни или…?

Споредбата впрочем и самите можете да ја направите, па дури и да гласате, откако ќе се решите: „Дали Елеонора Миљковиќ е навистина „copy-paste“ на Ана Кораќ“?

Фото: Инстаграм принтскрин/__elle.m__/ana_korac