Познатата македонска фолк пејачка Даниела Темелковска го ожени синот Даниел.
Свадбената веселба се одвивала во еден познат скопски ресторан, а некои од присутните кажуваат дека тоа била една од оние таканаречени „свадби за паметење“!
Покарај поканетите гости , роднини, другари и пријатели, тука биле и колегите од естрадата кои веселбата направиле да биде незаборавна.
Сепак, највесела, згодна и елегентна била свекрвата, која променила два фустани. Свечена мастило сина комбинација за венчавката и жолта варијанта за семејната веселба во која главниот збор покрај младоженците го имала Даниела.
Гордата мајка и свекрва не ја криела неизмерната радост и среќата, па цела вечер играла и се веселела, а моментот на кулминација дошол кога Даниела се фатила за микрофонот.
Тогаш атмосферата експлодирала, зашто пејачката покажала дека не е само специјализирана за песни од фолк естрадата. Така во еден момент веселата и распеана мајка и свекрва запеала песна и од Северина, па тој, како и некои други моменти од свадбената веселба ги споделила на својот Фејсбук профил.
За микрофонот се фатиле и други колеги, како и и нејзиниот син Даниел, кој исто така е пејач.
Како изгледала атмосферата на свадбената веселба кога Даниела Темелковска запеала, погледнете во видеото во продолжение:
Фото и видео: Фејсбук принтскрин/Daniela Temelkovska