Изминатата 2022-ра беше мошне турболентна година за многумина, меѓу другите и за најпознатата македонска ТВ водителка Лила Филиповска. Таа мина низ едно од најтешките животни премрежија, соочувајќи се со најопаката болест, битка од која за среќа излезе како победник. Токму затоа, можеби на самиот почеток на Новата 2023-та година Лила реши да замина таму каде што всушност и е родена. На далечниот север, во Скандинавија, поточно Шведска и нејзиниот роден Гетеборг, каде што се’ уште живее дел од нејзиното најтесно семејство, нејзината сестра со својата фамилија.
„Кога после години ќе се вратиш во градот каде што си се родил… Кога го препознаваш секое ќоше а истовремено ти изгледа ко прв пат да го гледаш, кога доаѓаш како турист а всушност си дома… Здраво Гетеборг“ – носталгично се присети Лила на годините од детството веднаш штом стапна во родниот град, штом ги направи првите чекори на неговите улици, сега во својата повторна средба со него и прошетката по толку години, исто како кога во најраното детство ги правеше и првите чекори во животот.
Водителката всушност дојде на гости кај својата сестра заедно со нејзиниот син Филип и имаше носталгична средба со своите внуци и останатите членови на потесното семејство, роднините и пријателите.
Посака сончев лет од Скопје и тоа и се оствари, па посака снег во Гетеборг и желбата одново и се исполни, а тоа Лила го искористи за прошетка со младите меѓу најмилите.
Секогаш кога ќе се вратиш во местото каде си роден и се пораснал, носталгијата е неминовна и како огромен бран сите ги заплиснува, па така и македонската водителка не беше имуна да им „подлегне“ на емоциите и сеќавањата кои за миг и ја преплавија душата.
Како да влезе во своевиден „шведски времеплов“, па Лила за час се врати во времето на нејзините безгрижни денови, листајќи ги спомените како дневник на едно детство, на кое секое парче, секој предмет, секое камче од плочникот, дворот, тревникот… ја потсетуваше на она место на кое водителката некогаш си играше и растеше.
Така таа се потсети на дворот и паркот меѓу зградите, каде седната на лулашките и лизгалките како на стар часовник ги врати назад сказалките на времето кое неминовни тече… За жал, за сите нас, само во еден правец! Но она што останува длабоко во нас се спомените, а Лила не го заобиколи ниту родното огниште, населбата, маалото и првиот стан во кој таа со своите родители живеела веднаш по нејзиното раѓање.
„Дневникот на едно детство…. Дворот во Гамлестад … место на моите први чекори, првите пријателства, раскрварени колена од падот од велосипед, многу изедени сморгоси, гудис, безгрижни денови … Сликите се избледени но сеќавањата свежи“ – напиша на своите профилии на социјалните мрежи денес познатата македонска ТВ водителка, тогаш малечкото девојченце со очи полни желби!
Денес многу од нив остварени, некои подзаборавени, но не и спомените на она кој си, што си и од каде доаѓаш, каде си роден, каде си растел и си ги поминал можеби и најубавитеи секако најбезгрижните години во животот. Зашто… само едно место на светот се вика… ДОМ! Затоа можеби сликите и се подизбледени, но сеќавањата… секогаш ќе останат свежи!
View this post on Instagram
Фото: Инстаграм и Фејсбук принтскрин/lilafilipovska
