Во најновото издание од актуелната сезона на регионалното музичко шоу „Ѕвездите на Гранд“, на сцената пред жирито застана уште една Македонка.
Станува збор за 17 годишната ќерка на Соња и Јохан Тарчуловски, Мелани, која на големо работи на својта музичка кариера.
View this post on Instagram
На големата сцена на „Гранд“ таа се претстави со песните „Пожели среќу другима“ и „Тажна љубов среќна песна“.
И покрај тремата која се слушаше во нејзиниот глас, Мелани успеа да се избори и да ја добие наклонетоста на жирито од кое доби 5 гласа.
Прв за неа гласаше Босанац, а потоа Ѓорѓе Давид и останатите, со тоа што на крајот таа го избра Ѓорѓе за свој ментор.
Саша Поповиќ во еден момент ја праша дали го познава Ѓорѓе од порано и зошто го избрала него.
„Никој не го избра вечерва“ – го насмеа таа целото студио со својот искрен одговор.
„По оваа реченица, среќен ти пат за Скопје, овде нема што повеќе… Ѓоле дали ја сакаш“ – се пошегува Поповиќ.
Мелани беше задоволна што успеа да го помине првиот круг, па со нови сили продолжува во натпреварот понатаму.
За потсетување, Мелани Тарчуловска последно на голема сцена ја гледавме на „Макфест“ каде беше меѓу дебитантите.
фото:Инстаграм/Јутјуб/ ѕвезде гранда принтскрин
