На телевизиските екрани имаме прилика да гледаме разновидни емисии, од забавни ТВ шоуа, реалити, магазини, контакт емисии или пак емисии за мода.
На 1ТВ секој работен ден може да ја гледаме емисијата „Мода“ со Сергеј Варошлија каде што коментира разновидни модни стилови и комбинации на непознати личности, случајни минувачи или некои наши познати личности.
Неодамна на мета се најдоа Ристеска, Лила Филиповска, Каролина Гочева, за некои имаше позитивно мислење, а за некои критики.
Некои го критикуваат Сергеј поради неговите коментари, а некои го фалат истакнувајќи дека е реален.
Во кратките приказни на „Инстаграм“ во опцијата за прашување на прашања ја прашаа Антониа Гиговска што мисли за Сергеј Варошлија и за неговата емисија, а пејачката одговори:
„Ќе ми пукне душата од смеа кога го гледам“, напиша Антониа.
За потсетување, Гиговска неодамна го освои второто место на меѓународен фестивал во Романија.
