Кога треба да се жнее популарност, претворена во илјадници евра хонорар, регионалните ѕвезди се први да и се умилкуваат на македонската публика. Се до моментот додека не си ја завршат работата. „Држи воду, док мајстори оду“ – како што вели токму една нивна поговорка. Кешот в џеп, и штом го поминат Табановце, следува зборав… на неодреденои време! До следната тезга во Македонија!
Чуден е светот во кој љубезноста, љубовта и емпатијата се искажуваат само кога е сопствениот интерес во прашање. Така е и овој пат, по страшната сообраќајна несреќа во Македонија, кога животот го загубија голем број млади луѓе, а уште повеќе патници се повредени. По неа, за разлика од домашните, на прсти можат да се избројат ѕвездите од регионот кои искажаа жалење, изразија сочувство или на било кој друг начин јавно се огласија. Жељко Самарџиќ, Сека Алексиќ и… таа… Јелена Карлеуша!
Српската фолк дива ја потресе веста за страшната сообраќајка во која 14 луѓе, воглавном малди, ги загубија животите. особено што меѓу нив,беше еден од нејзините најголеми фанови и обожаватели, младиот студент на ФОН, Бобан Аврамовски. На неговото и на семејствата на сите останати жртви таа преку социјалните мрежи веднаш им упати сочувство.
„Во страшната сообраќајна несреќа во Македонија, животот го загубија 14 лица, а еден од нив е Бобан … Бобан беше мој голем обожавател и ми даде многу љубов и поддршка. Бобан … Ти благодарам. Засекогаш во моето срце. Сочувство на семејството. Сочувство до сите кои ги загубија своите најблиски “, – напишала Јелена на својот Инстаграм профил, објавувајќи ја фотографијата на младиот студент, па ја споделила пораката во своите Инстаграм приказни.
Потег за почит и „капата долу“ на фолк дивата… и покрај сите нејзини лични хирови и приватни војни во животот!
