Раѓањето во одреден месец во годината ни гo одредува хороскопот, односно хороскопскиот знак кој си има одредени карактеристики и ги опишува луѓето родени во тој месец.
Еве на кој хороскопски знак припаѓаат најпознатите македонски пејачки
Tамара Тодевска – Близнаци
Близнаците како знак во зодијакот симболизираат двојност. Доколку сте родени под овој знак, тогаш вашите главни особини се неодлучност и непостојаност, а токму тоа е она што понекогаш ве одделува од другите. Еден ден сакате едно, а веќе друг ден го сакате она спротивното. Исто така, може да чувствувате и љубов и омраза во исто време. А, понекогаш, ви е навистина тешко да направите разлика помеѓу овие две емоции и може да биде збунувачко не само за вас, туку и за луѓето околу вас. Од друга страна, како припадник на овој знак, вие сте отворени, комуникативни, и секогаш спремни за забава и флертување. Вие поседувате талент за ораторство, а тоа е она што ви помага да запознавате нови луѓе и да најдете добри пријатели. Разговорите со вас никогаш не се неактивни, туку вие секогаш наоѓате начин како да соберете што повеќе информации.
Каролина Гочева и Елена Ристевска – Бик
Доколку сте родени под овој знак, тогаш препознатливи сте порешителноста, како една од вашите главни особини. Им придавате големо значење на едноствавноста и на и стабилноста во животот, па многу од луѓето околу вас може да ве сметаат за досадни, или пак за личности со недостиг од возбуда. Вие едноставно избегнувате непотребно да ризикувате за работи кои би му наштетиле на вашиот стабилен живот. Иако не можат да ве наречат отворена личност, вие сепак сте одличен пријател и ги штитите оние пријатели кои ви се блиски.
Калиопи – Јарец
Тие се сигурни во себе, никогаш не потклекнуваат и знаат кон што се стремат. Себеси се ставаат на висока и недостижна позиција, бидејќи сакаат да ги гледаат нештата од сигурно место. Лицата од овој знак имаат прецизни цели за кои се спремни да работат долго и напорно. Нивната самодисциплина им овозможува успех во она што го прават.
Едно од најбитни нешта за јарецот е постигнатата цел, а врвот е нивниот лимит. Исто така, битно им е да поседуваат вештини во кои ќе бидат подобри од другите. Тие се вредни работни кои не ги плаши напорната работа, бидејќи знаат дека тоа ќе ги донесе до врвот, а нивната амбициозност, решителност и став со кој се решени да одат до крај им го олеснува патот до таму. Животот е еден голем проект за овие луѓе, а се прилагодуваат на него со помош на деловен пристап кон се што прават, со практичност, реалност и прагматичност. Ваквата посветеност кон своите цели често оди до точка на тврдоглавост. Уживаат во победи, сакаат нивните квалитети да бидат препознаени од другите, како и да се во центарот на случувањата.
Тијана Дапчевиќ – Водолија
Овие луѓе се хуманитарни, добротворни и сакаат да придонесат во тоа светот да биде подобро место за живеење. Сакаат да споделуваат со светот и се мошне дарежливи. Тие се дружељубиви и веруваат дека секое ново лице кое ќе го сретнат им е пријател.
Водолиите се визионери, прогресивни души кои сакаат своето време да го поминуваат размислувајќи околу тоа како нештата да бидат подобри. Често добиваат помош и од другите, а тоа е затоа што имаат многу пријатели и познаници наоколу. Нивните идеи се оригинални и инвентивни, а најсреќни се кога тие ќе бидат прифатени од околината. Ја сакаат слободата и индивидуалноста, како и да патуваат и уживаат во истражување.
Водолиите се во главно среќни и позитивни, а за свое најголемо богатство ги сметаат пријателите и семејството. Сепак, не се многу добри во владеење на своите емоции и истите не ги покажуваат јасно.
Колку овие астролошки карактеристики одговараат на нивната личност, најдобро знаат тие самите и нивните најблиски.
