Во последното саботно издание на регионалното музичко шоу „Ѕвездите на Гранд“ настапуваше и дваесет и тригодишната Пепита Маринкова.
Пепита се претстави со песните „Загрли“ од Гоца Тржан и „Ја за љубав нечу молити“ од Нина Бадриќ, а кога ја започна изведбата на втората песна, Пепита доби паник тастер, но Саша Поповиќ врати со контра паник, па македонската претставничка продолжи да пее.
Таа не доби ниту еден глас од жирито, а Јелена Карлеуша има жестоки критики за Пепита за која кажаа дека има интересно име.
„Тоа е единствено нешто што е интересно. Пепита имаш 20 години, каде ти е младоста, енергијата, борбата, желбата за успех“ изјави Карлеуша за македонската кандидатка и додава:
„Твојата енергија е нула. Никогаш нема да бидеш ѕвезда. Како никој никогаш не ти кажал дека изгледаш како теткица, уморна од животот на своите 20 години, туку треба да грмиш и да покажеш дека ти е важно. Ако тебе не ти е важно, зошто на мене да ми биде важно. Беше досадна“,
Неда Украден која беше член гостин во жирито истакна дека ако некој има совест и одговорност, тогаш треба да има и трема.
„Само будалата нема трема и некој кој пее на плејбек“ изјави Неда, а веднаш се вмеша и Карлеуша велејки дека тремата не е оправдување.
„Стоп, стоп“ истакна Украден со цел да ја прекине кавгата, а тогаш Карлеуша брутално и одговори:
„Мени ни мојата мајка не ми велеше стоп“.
„Песната „Загрли“ ја отпеја без енергија која се стекнува со искуство“ појасни Неда која зад себе има богата и успешна кариера.
Пепита не помина во вториот круг, а дали ќе се појави во некоја од следните сезони останува да видиме.
Нејзиниот настап може да го погледнете во продлжение на видеото.
