Во пивницата „Паб“ во Велес деновиве се одржа промоцијата на првиот соло-албум на велешкиот рапер Нешо. Покрај изданието насловено „Балканизам“, беше промовирано и видеото за новиот сингл кој се вика „Ќе биде“, снимен во дует со колешката Валери Димовска.
![](https://arhiva.vistina.com.mk/wp-content/uploads/2019/05/Screenshot_32-9.jpg)
Исто како во насловната тема од албумот , Нешо и овде го отсликал нашето мачно и сиво секојдневие, истовремено потсетувајќи нè и на нашиот вечен оптимизам дека надежта последна умира и дека со мотив, работа и истрајност, кога- тогаш – „ќе биде“!
![](https://arhiva.vistina.com.mk/wp-content/uploads/2019/05/Screenshot_33-8.jpg)
Стиховите се на самиот Ненад Ставровски (Нешо), нејзин родуцент како и впрочем на целото издание е Темелко Андреев, а песната е збогатена со гитарата на Оливер Тевчев.
![](https://arhiva.vistina.com.mk/wp-content/uploads/2019/05/Screenshot_40-6.jpg)
Визуелизирана со видео со тешки, но и успешни приказни за инспиративните личности кои секојдневно со нови сили ги надминуваат препреките, како што се ракометарот Столе Стоилов или ликовната уметница и поетеса Розе Мојсовска, која слика прекрасни слики со уста.
![](https://arhiva.vistina.com.mk/wp-content/uploads/2019/05/Screenshot_39-4.jpg)
Покрај насловната тема и „Ќе биде“, на „Балканизам“ се сместени и соработките со матичната екипа „Авторизација“, со диџеј Попај, Кацар, Кискин, Бојан, Влади Ортографија и со Темелко Андреев или Авторот, кој се погрижи за музиката како и за комплетната продукција на изданието.
![](https://arhiva.vistina.com.mk/wp-content/uploads/2019/05/59703903_359873207971517_3880589495527014400_n.jpg)
За ова одлично првенче на Нешо доаѓаат само пофални зборови од сите страни и веќе јасно е дека целата велешка екипа допрва уште повеќе ќе ја освојува нашата музичка сцена, а како изгледа и звучи дуетот со Валери за „Ќе биде“, дознајте во продолжение.