Пејачката Рада Манојловиќ вели дека нејзиниот живот го обележа фактот што на 19 години останала без нејзината мајка.
Иако има причини да биде среќна бидејќи направи успешна кариера, не може да се помири со фактот дека жената која ја родила починала на 37 години.
Рада и денес тагува по нејзината мајка, а често се прашува дали таа можела подолго да живее.
„Најтежок период ми беше кога останав без мајка ми. Ми умре на раце. Таа болка ја потиснав во себе за да можев да продолжам да живеам. Се трудам да не размислувам за тоа, секој ден се сеќавам на мојата Маријана“, вели Манојловиќ.
Пејачката се потсетува на нејзината мајка додека умирала и вели дека била среќна што имала прилика да се прости на таков начин.
„Благодарна сум на Бога што се случи пред моите очи, што ја држев за рака додека умираше. Ужасно би се чувствувала да работев некаде додека таа го напушташе овој свет. Тие слики не можем да ги исфрлам од глава и само луѓето кои доживеале нешто слично може да ме разберат. Кога размислувам за тоа ме фаќа тага, депресија и црни мисли. Затоа се трудам да не размислувам. Се убедив дека мојата мајка е некаде на пат“, вели Рада.
