Пред неколку години Игор Џамбазов ја запозна јавноста со една ултра талентирана дама која создава ремек дела од коса.
Иако не слика на платно со боја, таа изработува парче уметност што е оригинално во секој поглед.
Уметноста не познава граници, а имагинацијата и талентот создаваат импресивни дела. Токму таков пример е уметноста која ја создава дамата Светлана Гроздановска, која освен што ги разубавува своите клиенти во фризерско-шминкерскиот салон, од нивната пострижена коса создава портрети какви не сме виделе досега.
Во нејзиниот салон досега има направено портрети од коса на многу познати имиња како: Жељко Јоксимовиќ, Северина, Новак Ѓоковиќ… а после нашиот шоумен Игор Џамбазов, на ред дојде и Калиопи.
Дека на Џамбазов делата на Светлана му оставаат силен вчетаток и ја почитува нејзината работа, покажа со тоа што сподели дека направила портрет и од Калиопи.
Подоцна и самата Опи го сподели истото со следбениците, заблагодарувајќи се на Светле и импресионирана од сопствениот лик изработен од коса.
Секоја чест за талентот и вештите раце!
фото:инсатграм/светлана гроздановска/игор џамбазов
