Поп пејачот Игор Митровиќ, по неколкугодишна пауза, минатата недела ја промовираше новата песна. Станува збор за нумера на англиски јазик, насловена ,,You”, за која текстот го напишал Miceal O’Kane, а музиката е на Бобан Апостолов.
Митровиќ вели дека песната долго време стоела во фиока. Тој живееше во Танзанија, па кога неговиот пријател Бобан Апостолов, кој е композитор и продуцент на песната, му дошол во посета, решиле да ја снимат.
Појаснува дека кога ја снимале песната во Танзанија, имала друг аранжман, малку поинаква мелодија, и планот бил да се промовира надвор од Македонија. Но, се случи панедмијата со корона вирус, па ја одложиле промоцијата.
