Андреа Иванова редовно се наоѓа на насловните страници поради нејзиниот изглед, а за кој таа потрошила околу 1.800 евра само за филери за јаболчици.
Оваа 25-годишна бугарска инфлуенсерка се надева дека ќе постигне нов рекорд за најголеми образи во светот. Додуша, нејзината цел предизвика одредени проблеми, особено во љубовниот живот, па таа претходно призна дека се „бори“ со наоѓање љубов и покрај тоа што мажите и посветуваат големо внимание на интернет.
Иако е нестрплива и сака што побрзо „лудо и вистински да се заљуби“, вели дека ќе и одговара само некој кој целосно ќе го прифати нејзиниот изглед.
– Ако сум во врска со некого, а тој ми каже дека му е непријатно додека шета со мене на улица или на јавни места, тогаш ќе раскинеме – изјавила Андреа.
– Ќе се чувствувам лошо и навредено, па тогаш ќе морам да барам нов партнер на кој нема да му пречи мојот изглед – рече таа и објасни како би сакала лудо и вистински да се заљуби и да го запознае вистинскиот партнер за себе. бидејќи таа тврди дека љубовта е „најубавата и најважната на овој свет“.
View this post on Instagram
Андреа тврди дека во минатото имала „лоши“ искуства кога е љубовта во прашање и не се чувствувала ценета. Сега, поради ова, таа е попребирлива за мажите со кои излегува и научила сопственото мислење да го става на прво место, односно пред туѓото.
– Имав партнери кои ме советуваа да го променам изгледот и да не бидам толку екстравагантна. Никогаш не ги слушав и секогаш се каравме – објаснила таа.
View this post on Instagram
И покрај негативните коментари на интернет, 25-годишната девојка го сака својот изглед.
View this post on Instagram
– Не се грижам за туѓите коментари, бидејќи имам свој вкус и свои ставови за убавината и се држам до нив. Секој човек треба да се задоволува себеси без страв и грижа за мислењето на другите, бидејќи смислата на животот е да се биде среќен – заклучила таа, пренесува Вечерњи.
фото:Инстаграм принтскрин
