Најголемата балканска ѕвезда Светлана Ражњатовиќ – Цеца на 28 јули ќе одржи голем концерт во Охрид, на стадионот „Билјанини извори“. Со песните од новиот албум, „Анџео другог реда“, „Лажов ноторни“, „Аутограм“, „Јадна ти је моја моч“, „Трепни“, „Дидуле“ и многу, многу други безвременски хитови, мегапопуларната и најбарана балканска дива веќе полни концертни сали и стадиони низ целиот свет.
Овој пат на ред е нашиот бисер македонски, Охрид, каде што Цеца ќе приреди повеќечасовен концерт за паметење на кој ќе одекнуваат нејзините најголеми хитови. „Ни претстои вечер исполнета со многу изненадувања, музика и забава“, велат организаторите за претстојниот настан.
Влезниците ќе бидат пуштени во продажба на 9 мај (среда) и истите може да се набават преку продажната мрежа на „Купи карти за сѐ“, „Пола Југотон“ и во цвеќарницата „Розе“ – Веро 2.
