За разлика од оние кои се одлучуваат на својата сакана да и понудат брак и прстен за денот на вљубените, фолк пејачот Владимир Поповски на својата Анастасија Петреска тоа да и го приреди уште на почетокот од годината.
Имено, фолк двојката, Анастасија и Владимир, кон почетокот на месец јануари се ветија еден на друг, а на раката на пејачката блесна свршеничкиот прстен.
Оттогаш помина месец и половина, а Анастасија како да го засили својот раскош, па изгледа побујно од било кога.
Таа е активен корисник на социјалните мрежи, а таму редовно објавува нови фотографии, што од оние работните, што од такви каде дегустираат вкусни јадења во ресторан.
А кога ќе се спојат апетитот и љубовта, тогаш задоволството е на квадрат.
Инаку, Владимир и Анастасија Денот на вљубените и виното го славеа заедно со пријатели во ресторан, а бидејќи си го завршија главното со давање прстен, сега можеа да се опуштат во муабетот со друштвото и секако убавата храна.
