Џенифер Анистон објави фотографии со Кортни Кокс и Лиза Кудроу, колешките од легендарната серија „Пријатели“.
„Поздрав од девојките од другата страна на ходникот“, напиша Џенифер за фотографијата на која повторно се собраа: Рејчел, Моника и Фиби.
За само седум часа од објавувањето, фотографијата собра повеќе од шест милиони лајкови.
„Сестри“, „Прекрасно е да ве гледаме заедно“, „Потребна ни е оваа содржина“, „Совршена фотографија“, беа само некои од коментарите на фановите.
Патем, неодамна творците на „Пријатели“ открија и зошто во осма сезона Рејчел и Џои завршија заедно, нешто што многу фанови се бунеа во тоа време.
„Знаев дека е контроверзна таа работа помеѓу Џои и Рејчел. Ми се допадна тоа затоа што не беше во ред и знаевме дека влегувањето во тоа е погрешно. Тоа се случува во животот“, рече креаторот на серијалот, Дејвид Крејн.
