Познатиот српски моден стилист и режисер на музички видеоспотови кој долго живееше и работеше и во Македонија – Дејан Миличевиќ, со години се бори со вишокот килограми, но без поголем успех. Сепак, тој неодамна реши физички да се трансформира и сега засега тоа му оди од рака.
Дејан успеа да ослабе дури 20 килограми, а водителката Сузана Манчиќ за овој потег на Миличевиќ ја извести јавноста.
„Последниот пат кога се сретнавме, тој ми рече: „Следниот пат кога ќе ме видиш, ќе бидам послаб за 20 килограми. И го одржа ветувањето. Драг мој Дејан Миличевиќ браво! Честитки за Деки“ – напиша Сузана покрај споделената фотографија на која е сликана со него.
Да ве потсетиме, Дејан неодамна откри дека ќе се подложи на операција за намалување на желудникот, за да се ослободи од вишокот тежина, па по се’ изгледа дека тој тоа и го направил!
