Популарниот пејач Дарко Лазиќ пред пет години доживеа тешка сообраќајна несреќа кај Пеќина каде едвај преживеа, а сега раскажа шокантни детали, додека бил на апаратите за одржување во живот.
Лазиќ во таа прилика се здоби со тешки повреди, беше во кома 23 дена, а сега за прв пат раскажа што му се случило додека бил во болница.
Имено, фолкерот Дарко Лазиќ гостувал во подкаст, каде опишал сцени од привиденија додека бил приклучен на апаратите.
– Имав сообраќајна несреќа во октомври 2018 година и буквално по неколку часа бев отпишан. Целосно потонав. Два месеци бев во болница. Да не зборуваме за повредите, кои се страшни: 12 скршени ребра, скршен колк, карлица, граден кош, хематом на главата, слезината, бубрегот. Еден месец дишев на машини. Бев во кома 23 дена. Тоа е многу чудна работа, и нон стоп го имав во глава и видов некои бели или светло сини завеси кои постојано беа таму, летаа. Видов и некои луѓе кои воопшто не ги познавам. Малкумина го знаат тоа, сега го кажав. Тие 23 дена што траеја како да легнав и спиев и се разбудив утредента – откри Лазиќ, а на изјавата на соговорниците дека може да се сфати како да е од другата страна, тој одговорил:
– Бев клинички мртов, во кома. Знам дека ме реанимираа. Така ми рекоа подоцна,toa e сигурно – изјави популарниот фолкер кој тврди дека научил работи од сообраќајната несреќа која му помогнала до крајот на животот.
– Лошата страна е што бев многу повреден и што сѐ уште имам проблем со ногата и тие повреди. Добрата страна на мојата несреќа е што конечно видов кој не ми треба во животот и научив што не сакам и што сакам.
Фото: Принтскрин/Пинк Тв
