Едниот стружанец, некогаш најдобриот ДЈ во Македонија, еден од пионерите во својата дејност, подоцна промотер на најпознатите тогаш ЈУ музички ѕвезди и нивните настапи низ Македонија…
Другиот скопско дете, беше млада македонска поп, поточно ар-ен-би ѕвезда, имаше хитови, снимаше спотови, девојчињата лудваа по него, беше многу познат и популарен!
Првиот уште пред повеќе од 30 години замина од родната грутка преку „големата бара“ во потрага по посреќна иднина… Вториот години подоцна ќе се вљуби и ќе ја засака ќерката на првиот, која потоа ќе му стане и сопруга и мајка на нивното дете, а заедно ќе се песелат кај нејзините родители или поточно тој кај „бабата и дедото“ во Америка!
Така ДЈ Славе Келешовски македонската диџејска легенда и Дарко Илиевски македонската музичка поп ѕвезда сетанаа едно семејство… Или „едно тело“ као што вели песната на Даре, со различни организми кои очигледно одлично функционираат. Впрочем нивните релации се повеќе од вообичаен однос на зет и дедо! И заради природата на работата со која се занимавале и заради состојбата на духот и поимањето на животот! Затоа и вечно младиот ДЈ Славе и ионака младиот Даре се како „први другари“!
Најдобар доказ роденденот на Дарко и роденденската честитка на Славе! Споделената заедничка фотографија со која дедото му го честита „денот што го чекаме цела година“ на својот зет, на која седнати кој на пивце, кој на узо или мастика, што ли ќе да е, уживаат и наздравуваат како двајца најдобри пријатели!
А кога сме веќе кај роденденските честитки, тие пристигнаа во изобилство… Најмногу од најблиските и најмилите. Синчето Матео наговестувајќи уште сега дека ќе го наследи тато Даре, му ја отпа на студиски микрофон „Нappy birthday“…
Внукот од сестра на славеникот му подготвил роденденска торта и свеќички со бројка, колку што полни години вујче, па ги дувна за него…
А сестрата на своето „мало едно и единствено братче кое многу и недостасува“ исто така му испрати најубава роденденска Инстаграм честитка на Даре, полна со љубов, емоции и заеднички спомени.
Роденденската честитка од саканата е малку поинаква… Многу полична, поинтимна, а и тој тип љубов не се изразува само со зборови, па затоа разбирливо и не е ни за на слики, ни за во јавност!
Како и да е, нека му е среќен… Најсреќен!
Фото: Фејсбук и Инстаграм принтскрин/Slavé Kelesovski/ilievskidarko
